Tímabundnar breytingar á starfsemi Muggsstofu
Vegna flutninga yngsta stigs Bíldudalsskóla og frístundar yfir í Muggsstofu breytist starfsemin aðeins næstu vikurnar.
Skrifað: 7. maí 2024
Félagsstarf aldraðra
Félagsstarfið getur ekki verið í Muggsstofu fram að sumarfríi vegna frístundar og því verður það með öðru sniði næstu vikurnar. Dagskrá er birt með fyrirvara um breytingar:
- 8. maí kl. 13: Göngutúr frá Vegamótum. Tökum smá swing um bæinn og endum á að kaupa okkur kaffi á Vegamótum.
- 15. maí: Lokað – forstöðumaður í sumarfríi
- 22. maí kl. 13: Pottapartý í Byltu.
- 29. maí kl. 13: Spilum boccia og kaupum okkur kaffi á Skrímslasetrinu.
- 5. júní kl. 13: Síðasti hittingur fyrir sumarfrí er golfmót og svo kaffi og veitingar í golfskálanum. Fyrirkomulag auglýst síðar.
Athugið að eldri borgurum á Bíldudal er guðvelkomið að heimsækja Eyrasel á Patró, Vindheima á Tálknafirði og Laufið á Barðaströnd á opnunartíma þeirra.
Opnunartímar bókasafnsins
Þriðjudagar og fimmtudagar kl. 16:00-17:30
Muggsstofa verður lokuð vikuna 13.-17. maí vegna sumarfrís.