Mötuneyti og nesti

Skólamötuneyti í Vesturbyggð

Matseðlar eru útbúnir í samræmi við manneldismarkmið á Íslandi og tillögur ráðgjafa, auk þess sem handbók Lýðheilsustöðvar fyrir skólamötuneyti er lögð til hliðsjónar. Sjálfstætt starfandi næringarráðgjafi og ráðgjafi Lýðheilsustöðvar hafa veitt fræðslu og ráðgjöf til allra þeirra aðila sem koma að þessum málum í sveitarfélaginu.

Það er okkur metnaður að bjóða fjölbreyttan, næringarríkan og góðan mat í mötuneytum Vesturbyggðar, þó svo að sjaldan verði hægt að gera öllum til geðs. Það er enginn neyddur til að borða mat sem hann eða hún vill ekki. Hins vegar verður sú aðalregla höfð í heiðri, að setja allar fæðutegundir á diskinn, lítið af því sem barnið kýs síst eða ekki (nema vitanlega ef um þekkt ofnæmi eða fæðuóþol er að ræða) og því mikilvægt að foreldrar ræði það við börn sín – að prófa lítið og prófa í hvert sinn. Það er ekkert næringargildi í mat sem endar í ruslafötunni. Ef um fæðuofnæmi er að ræða er mikilvægt að taka það fram við skráningu. Skráningar í mötuneytið fara fram rafrænt á heimasíðu Vesturbyggðar. Rafræn skráning í mötuneytið er hérna.

Matseðill er hérna: Matseðill nóvember