Frístund

Frístund er starfrækt við Patreksskóla. Þar býðst nemendum í 1.-4. bekk að dvelja frá skólalokum til kl. 16:00 alla skóladaga. Boðið er upp á síðdegishressingu í frístundinni alla daga. Í frístundinni una nemendur inni og úti við leik og störf undir umsjón starfsmanna. Ákveðin þematengd verkefni eru í gangi flesta daga. Allar almennar hegðunar– og umgengnisreglur skólanna gilda með Uppbyggingarstefnuna að leiðarljósi.

Frístundin er opin alla skóladaga samkvæmt útgefnu skóladagatali. Val er um að hafa nemendur í frístundinni til kl. 15:00 eða 16:00 2-5 daga í viku. Nemendur eru sendir heim að frístund lokinni. Skrá verður nemendur í mánuð í senn en ef dvöl er ekki sagt upp fyrir mánaðarmót er gert ráð fyrir áframhaldandi dvöl. Nemendur fara í Íþróttaskólann og Tónlistarskólann úr frístundinni. Það hefur ekki áhrif á gjaldið.

Greiðsluseðlar eru sendir út mánaðarlega. Systkinaafsláttur er samtengdur milli leikskóla, daggæslu og frístundar. Tilkynna þarf til starfsmanns tilfallandi breytingar á dvalartíma, t.d. ef þau eru að fara annað eftir skóla eða veikindi og leyfi. Skráningu og breytingar á dvalartíma á að tilkynna með tölvupósti á fristundpatro@vesturbyggd.is eða kris@vesturbyggd.is